Alvara og annað bull

ÞAÐ STYTTIS Í OFURSKÁLINA

2007-01-12T00:21:00.000-05:00

Ég sit hér fyrir framan saklausan skjáinn á fimmtudegi, tiltöluna rólegur á yfirborðinu, hlustandi á Barry White “CAN´T GET ENOUGH OF YOU BABY” með nýjustu húfuna mína á hausnum “SEAHAWKS - DIVISION CHAMPIONS 2006” hugsandi um leikinn á sunnudaginn, Seahawks og the Beeeeears en óhugnandi órólegur undir niðri. Já, það er ekki hægt að “fá nóg” þetta eru svo spennandi tímar. Mitt ástkæra lið, Seahawks, hefur þurft að ganga í gegnum súrt og sætt þessa leiktíð með okkar aðal menn, Shaun og Matt meira og minna á sjúkralista til þessa. En eftir ótrúlega spennandi leik og góðan sigur yfir Kúrekunum frá Dallas um síðustu helgi, eru mínir menn nú klárir í slaginn við Birnina frá “Windy City” og við munum taka allan vind úr þeim. – GO SEAHAWKS

Það var þá # 2

2007-01-05T00:55:00.000-05:00

Ég talaði um Deleríum Búbónis um daginn, leikritið eftir þá Múla bræður.

Það er margt meira um þá bræðir sem kemur upp í hugann við þessa upprifjun. Þá er ég ekki bara að tala um hina þægilegu og sérstöku rödd Jóns Múla á gömlu Gufunni eða hans frumherja spor með frábæra djassþætti á sama vetfangi , né pólitísku spor Jónasar. Systir þeirra bræðra, Guðríður bjó nefnilega í sama húsi og við á Hjallaveginum. Hún var gift Jóhanni bróður Arngríms sem var nágranni okkar (við bjuggum í parhúsi) og þau Jóhann og Guðríður bjuggu í kjallaranum hjá Arngrími og Öldu. Ég man það glöggt þegar þeir Múla-bræður komu í heimsókn til systur sinnar, annar þeirra einn sér og sjálfur og eða þeir báðir saman, þá var oft kátt á hjalla(veginum) og það fór ekki nokkur maður, né hálfdrættingur í vafa um að þar voru gleðinnar menn á ferð, en það var víst allt annar Deleríum sem þá reið um hérað – ekki orð um það meir.

Það gerðist svo einn daginn að svartur líkbíll bakkaði upp sundið á Hjallaveginum og sótti hann Jóhann sem hafði bara rétt sí svona hvatt þennan heim. Eftir það var lítið um gleðistundir þeirra Múla bræðra á Hjallaveginum.

Það var þó ekki endirinn á gleðitónum þjóðþekktra Íslendinga í þessu mjög svo sérstaka húsi.

– Þannig var það í gamla daga, meira um það síðar.

Það var þá, # 1

2007-01-04T23:57:00.000-05:00

Það var yndislega saklegslegt að alast upp í Kleppsholtinu um miðbik síðustu aldar. Kleppsholtið var eins og sjálfstæð eyja í bænum (ég held að Reykjavík hafi ekki verið “borg” í þá daga), langt frá annarri byggð umkringt bændum og búaliði í Laugardalnum og víðar. Strætó var aðal tengileiðin við menninguna í bænum og þangað var langt að fara, leið 3 “Kleppur” og leið 13 “Kleppur hraðferð” voru okkar lífæðar. Fólkið í Kleppsholtinu fór í sparifötin þegar þau bruggðu sér bæjarleið og fóru í bíó í miðbænum.

Aðal menningarmiðstöð okkar krakkana í hverfinu var strætóskýlið á Sunnutorgi, sem var ótrúlega framúrstefulegalegt í hönnun, nokkurn vegin miðsvegar fyrir mörg okkar á leið í skólann (Langholtsskóla). Þar var hægt að fá sér Kók og Prins (fyrir þá sem áttu pening) sumir fengu sér kók og eina Kamel - sígarettur voru þá seldar í lausu og engin aldurmörk.

Í Kleppsholtinu voru engir glæpamenn né byssubófar, ekki einusinni smákrimmar, aðeins nokkrir “ógæfumenn” sem skvettu í sig umfram hæfi og ráfuðu um hverfið misstígandi og valtir og stundum búnir að pissa á sig en með bokkuna í beltinu

Aðal ógnin í okkar verndaða og sakleystalega heimi voru “Klepparnirnr” allir klæddir í hvítt sem englar á Himnum, svo saklausir að þeim var treyst til að fara í sínar daglegu gönguferðir um hverfið án fylgdar. Hinsvegar var okkur krökkunum ekki fyllilega ró í huga þegar hún Pálína strunsaði um hverfið ein sér og sjálf, og þó raunar ekki ein sér og sjálf í hennar huga, því hún hélt fast um hönd elskhuga síns, sem hún ein sá og talaði við í sífellu en gallin var sá að hann hafði víst drukkað í sjóslysi sem allir vissu um nema hún Pálína blessunin sem neitaði að viðurkenna missi ásthuga síns og þess vegna var hún á Kleppi.

- Þannig var það nú í gamla daga, meira síðar

Árið

2007-01-04T01:39:00.000-05:00

Gleðilegt ár kæru traustu lesendur og aðdáendur þessa eftirtektarverða (að áliti ritstjóra) og mikilsverða en lítt (en vaxandi) þekkta miðils og þökk fyrir trausta viðveru og sívaxandi áhuga og eftirvæntingu á liðnu ári.

Á þessari stundu er mér efst í huga þakklæti til ykkar allra fyrir stuðning og traust (sakna ummæla ykkar), þrátt fyrir lauslegheitar iðjusemi, óafsakandi leti (fúslega viðurkennt) og atorkuleysi ritstjóra þessa miðils. Hér með er lofað bót og betrun.

Jóla hvað

2007-01-04T00:09:00.000-05:00

Þegar ég var ungur, já mjög svo ungur - var mjög, já mjög svo vinsælt leikrit sýnt í Iðnó sem sló öll sýningar met í þá daga (að mig minnir). Við erum að tala um “Deleríum Dúbónis” eftir hina þjóðkunnu bræður Jónas og Jón Múla Árnasyni. Plottið var að fresta jólunum þar sem “jólaskipinu” með allan jólavarninginn seinkaði (eitthvað framyfir áramót) og því fyrirsjárlega fjárhagslega glötuð jól fyrir mörlandsíska kaupsýslumenn. Höfundarnir voru og eru ekki þekktir fyrir umhyggju sína við kapítalismann en náðu að gera frábærlega og skemmtilegan farsa um hinn veraldlegan heim kaupsýslmannsins í baráttu við hinn andlega heim Jólaboðskapsins. Ja hver hefur sinn .....

Einhvernega hefur plottið setið í mér eftir öll þessi ár og því datt mér það í hug, rétt fyrir þessi nýliðnu jól, þar sem ég var ekki tilbúinn fyrir huggulegheitin og herlegheitin, né því síður andlegheitin, að hvort ekki væri hægt að fresta jólunum um a.m.k. viku, svo ég gæti a.m.k. sett mig í jólastellingar og a.m.k. sent vinum og ættingjum jólakort.

Þetta var víst óraunhæfur hugarburður og ég stóð einfaldlega frammi fyrir því að jólin voru að skella á, bara rétt sí svona og ekki hægt að fresta þeim, þó svo að ég bráðlega þyrfti.

Því, kæru vinir, sendi ég ykkur nú mínar bestu vinarkveðjur (það er sennilega of seint að senda jólakveðju) með þrálegri bón um fyrirgefningu á vanrækslu minni og trassaskap, með þökk fyrir allar ykkar fallegu jólakveðjur. - Bráðum kemur betri tíð með blóm í haga – er það ekki?.

En ég skreytti húsið, hvað finnst ykkur (tók mig bara 3 vikur)

Árnað heilla

2006-11-18T23:02:00.000-05:00

Æskuvinur minn Steinar Petersen er sextugur í dag, til hamingju með daginn gamli.

Við Steinar höfum verið vinir frá 7 ára aldri. Við höfum brallað ýmislegt í yfir hálfa öld, nokkuð sem við höfum óendanlega gaman að ræða og segja öðrum frá. Þessi mynd var tekin þegar hann og Greta komu í heimsókn á síðasta ári

Veiðikofinn var ekkert slor

2006-11-14T02:17:00.000-05:00

Fast þeir sóttu sjóinn ...

2006-11-14T02:12:00.000-05:00

Lagt var af stað fyrir sólarupprás og haldið heim í sól og hita

Við vorum að fá'ann

2006-11-14T01:44:00.000-05:00

Við félagarnir í götunni (The boys in the hood) skruppum í veiðitúr um helgina, silgdum út í Gulfstrauminn frá Outer Bank í Norður Karolínu og náðum okkur í 6 þokkalega góða Tuna.

Þarf nokkuð að segja meira um þetta.

W (c)

2006-11-08T05:04:00.000-05:00

Nú er W á vonarvöl
því fólkið átti sína völ
Það hlítur að vera mikil kvöl
að vera W með þessa böl

Bara smá hugmynd

2006-11-08T03:26:00.000-05:00

Mér var að detta í hug að setja nýja vöru á markaðinn - DRULLUSOKKA fyrir alla bíla, litla sem stóra og alla turkka (sérstaklega gamla og úrsérgengna trukka - passar vel við nafnið) - og kalla þá "BUSH" - vá mar it´s a winner, drullusokkur allra tíma - ekki segja neinum (þetta er okkar á milli)
- svo væri hægt að auglýsa í málgagni þjóðarinnar - BUSH DRULLUSOKKARNIR KOMNIR - PANTANIR ÓSKAST SÓKNAR - eða -TÖKUM UPP Í DAG NÝJA SENDINGU AF BUSH DRULLUSOKKUM - og eða þessi GETUM ÚTVEGAÐ MEÐ STUTTUM FYRIRVARA HINA VINSÆLU BUSH DRULLUSOKKA BEINT FRÁ AMERÍKU - o.s.fr

Himnastiginn

2006-11-08T03:12:00.000-05:00

Einkennileg tilviljun, ég er búinn að hlusta á besta lag allra tíma, spilað af snillingi allra tíma, sennilega a.m.k. 20-50 sinnum þessa kosninganótt. Auðvita erum við að tala um Stairway To Heaven spilað af snillingi allra tíma (var ég búinn að segja það - anyway - hann á það skilið) Stanley Jordan af bestu plötu allra tíma Flying Home - Skilur einhver samhengið ????? - (Það er verst að þurfa að fara að sofa)

Áfall fyrir Bush

2006-11-08T02:40:00.000-05:00

þegar líður á þessa kosninganótt er það ljóst að þjóðin er að mótmæla forystu heimilisföðurins á 1700 Pennsylvania Avenue, (húsið er hvítt að lit, síðast þegar ég sá það) enda ekki að ástæðulausu - BUSH GARDEN NO MORE. Þjóðin er að segja, hátt og skýrt að hún sætti sig eindfaldalega ekki við að Hvíta Húsið sé alþóðleg lögreglustöð, noti sínar eigin lögrelgusammþykktir og að skósveinninn, Donni Rumsfeld þurfi að hætta að drepa fólk og taka pokann sinn.

Það er nú meiri tíkin þessi PÓLITÍK

2006-11-08T01:54:00.000-05:00

Hér logar allt í sullumbulli, persónlegu skítkasti og drullumbulli, eitthvað það ógeðslegasta og ómannúðlegasta sem menn kalla kosningabaráttu, allir að reyna að koma sér og sínum til valda með því að henda drullu og skít á andstæðinga sína og draga fram fortíðarskít á hvern annan í stað þess að segja kjósendum hvað þeir standa fyrir og ætla að gera fyrir kjósendur sína ef þeir komast til valda.

Nú virðist sem Allen sé fallinn hér í Virginíu. Ég tek ekki flokks afstöðu með Demo eða GOP (sem fyrr), en að Webb komist í Senate með því að henda skít,hægri og vinstri, er eitthvað sem á ekkert skilt við lýðræði. Þetta gerist hér í vöggu lýðsræðins, ríkinu þar sem stjórnarskráin var rituð.

Heilög María og allir góðir vættir forði okkur frá þessum óþveraskap og endurreysi mannúðlegt þjóðfélag þar sem góðir og gegnir borgar sjái sér fært að gefa kost á sér til þess að stjórna þessu frábæra landi án þess þurfa að þola drullukast og eða að þurfa að stunda slíkt.

16-0

2006-11-07T03:45:00.000-05:00

HU-HA

13-0 í hálfleik - looking good

2006-11-06T22:36:00.000-05:00

Því miður sjást ekki bláu og grænu litirnir á húsinu ( frá flóðlýsingunni) en nágrannarnir tóku eftir "statementinu"

Are U ready for some football - Monday Night Football - baby

2006-11-06T20:30:00.000-05:00

MONDAY NIGHT FOOTBALL -- Ég meina a mar (stafsetngiar kennari óskast :-) - ég er með allt á htreinu) - MONDAY NIGHT FOOTBALL - það gerist ekki betra - SEAHAWKS á móti erkifjénunum - Raiders (I LOVE TO HATE THEM) - Húsið skreytt í réttum litum og stemminging í góðu lagi - GO SEAHAWKS

Hooters no, no, no more

2006-11-06T18:48:00.000-05:00

Ég er hættur að fara á Hooters, jæja kanski að við grannarnir kíkjum aðeins inn,á Hooters á Outer Banks, um næstu helgi þegar við gerum aðra tilraun til að ná okkur í tuna - en vá maður , stelpurnar eru greinilega ekki þær sömu --- Hooters - oj bara

Lokaspretturinn X-Jens

2006-11-02T22:10:00.000-05:00

Nú er komið að því, prókjör Samfylkingingarinnar í SV Kjördæmi (Kraganum) fer fram n.k. laugardag. Nú bið ég alla trygga lesendur þessa merka fjölmiðils að taka upp símann og hringja í þá félagsbundna eðalkrata í kjördæminu sem þið þekkið og hvetja þá til þess að kjósa Jens í 1-4 sæti -- X JENS - tíminn er stuttur, - í símann nú allir sem síma geta valdið.

Sonics 43 # 1 for ever

2006-10-28T00:04:00.000-05:00

Það er ólýsanleg tilfinning að hugsa til þess tíma er við bjuggum í Seattle og sáum 79´ Meistarana leika við hvern sinn fingur.Þetta var ótrúlega skemmtilegt lið, Gus, (Freddie Brown Down Town - # 6 man), Dennis, Johnny, Lonny og Jack. Enginn var þó jafningunum fremri en Jack Sikma.

Nú er búið að selja liðið en nýir eigendur hafa lýst því yfir að Sonics verði áfram í Seattle, ef, þ.e --ef borgin byggi nýja Key Arena, eða a.m.k ráðist í og borgi fyrir meiriháttar endurbætur. Nú þurfa allir tryggir Sonics aðdáendur (ég er # 1) að leggjast á bæn, Sonics eru og verða Seattle NBA lið.

Þrátt fyrir eigandaskiptin, þá vonandi verður Jack áfram aðstoðarþjálfari og vonandi næsti aðalþjálafri liðsins. Jack Sikma er einfaldlega sá besti allra tíma.

Hún er fundin

2006-10-25T22:24:00.000-05:00

Þvílík hamingja, ég var að finna uppáhalds húfuna mína, sem er búin að vera tínd síðan snemma í vor.
Ég er búinn að senda allskonar vonda strauma í allar áttir, blóta í hljóði og gæla við miður skemmtilegar hugsanir um örlög húfurnar minnar. Um tíma hélt ég að einhverjir óprúttnir náungar hefðu hreinlega stolið henni. Nú er hún komin heim og ég hef fyrirgefið öllum ímynduðum örlagavöldum húfurnar góðu

Stílbrot í stjórnmálum

2006-10-24T00:29:00.000-05:00

Sonur minn flutti ræðu
sem var engum ræðum lík
það átti enginn von á þessu
í pólitík

Hann kom þar ýmsu merku að
sem á stuttum tíma var ekki gott
nema af því hann kvað
upp sína rausn og kvað
um stjórnmálanna vondu plott

Nú er svo komið að velja skal
um framtíðarinnar ráðamenn við Austurvöll
því verðum við öll
að vanda okkar val
já, þú átt nú þinn sjéns
auðvitað skaltu kjósa Jens

On the road again

2006-10-23T23:51:00.000-05:00

Þá eru þau Kiddý systir mín og Guðjón lögð af stað í sína langþráðu ævintýra- og pílagríma ferð á RV-inum sínum.

Ferðin hefur nú raunar gegið so-so, því sá gamli, þ.e. bílinn hefur látið til sín heyra og ekki orð um það meira.

Ef þið hafið séð myndina RV, þá eru þau með efni í RV 2

Það sem uppúr stendur þó er að þau eru komin til Hörpu vinkonu Kiddýar í Texas og þau áttu góðar stundir í Graceland þar sem langþráðri pílagrímaför Guðjóns var fullnægt. Þau m.a. settu upp nýja giftingahringa yfir leiði goðsins. Sennilega hefur Elvis grátið gleðitárum á Heartbreak Hotel að handan

Ad leggja íann að heimsækja Elvis

Stoltur faðir

2006-10-23T23:30:00.000-05:00

Það er ólýsanleg tilfinning að sjá son minn á framabraut stjórnmálanna. Það er raunar ekkert nýtt að hann geri mig stoltan. Allt frá því að sjá hann ungan og efnilegan stíga á verlaunapall fyrir sína fjölmörgu sigra á golfvellinum,leika í unglingalandsliði, leika á gítarinn sinn á hljómleikum og síðar í námi og starfi og ekki síður í sínu einkalífi, hef ég átt fjölmargar gæðastundir með sjálfum mér að gæla við þessar minningar.

Nú þegar hann er þátttakandi í prófkjöri Samfylkingarnar fyrir Alþingiskosningarnar í vor, langar mig að biðja alla sem veltingi geta valdið að sýna honum stuðning. Sjá frekar http://www.jenssigurdsson.com/

Það er einnig ánægjulegt að sjá frænku mína Sonju B. Jónsdóttur http://www.123.is/sonjab/ (við erum bræðrabörn) á sama vetfangi og ég óska henni góðs gengis.

Það væri gaman að sjá frændsystkinin saman á Alþingi

Welly, welly, my dear beer belly

2006-10-23T22:05:00.000-05:00

Mér datt þessi fyrirsögn í hug, sem höfð er eftir Benna Franklín, þegar ég áttaði mig á því að það eru komnir þrír mánuðir frá því að ég lét til mín heyra á þessum annars vinsæla vetfangi. Já, welly, welly - "er ekki tími tilkominn að blogga".

Því var nú raunar laumað að mér að nú sé vinsælast að “blogga á mogga”, en ég læt mér duga gamla góða internetið sem Al Gore fann upp ;-)

Það var ekki skortur á umræðuefni sem orsakaði þetta langa hlé, heldur miklu fremur offramboð á bloggefni og allt að því ómögulegt að ákveða hvar átti að byrja. Þetta hefur verið einstaklega viðburðaríkt tímabil með stórafmælum m.m., riststjórinn náði 5 tylftum af lífsreynslu en er þó ekki árinu eldri en honum finnst passa hverju sinni. Afmæli aldarinnar verður gerð skil hér fljótlega.

Einstaklega viðburðaríkur og annasamur tími í vinnunni er einnig ástæða fyrir þögninni. Það verður þó haldið fast við áður yfirlýsta ritstjórnarstefnu að ræða þau mál ekki hér.

Eins og hérlendir enda gjarnan símtöl: "Later"

Bloggari flestum framar

2006-07-27T23:15:00.000-05:00

Nei - nei - yfirskriftin er ekki sjálfumhól, heldur langar mig að benda tryggum lesendum mínum á einn af mínum uppáhalda bloggurum (að sjálfsögður fyrir utan Jens), nefnilega Mark Cuban, sjálfan eiganda Dallas Mavericks. Kappinn hefur upplifað "The American Dream" betur en flestir (e.t.v. fyrir utan Microsoft og Apple kóngana)og er sjálfskapaður milljarðamæringur.

Hann er á efa einn umdeildasti einstaklingur í ameríska íþróttaheiminum og þótt víðar væri leitað.

Mér, hinsvegar hefur gjörsamlega mistekist að mislíka við hann.

Nú er kappinn kominn í kvikmyndabransann og á örugglega eftir hræra upp í Hollywood

Bloggið nans er http://www.blogmaverick.com/ - check him out

Að selja sálina

2006-07-18T22:26:00.000-05:00

Þegar ég kom heim í kvöld var ég í gúddí fíling og tilbúinn að slappa af og njóta lífsins á þessum frábæra degi (37 stiga hiti og sólskin)

Eftir að hafa vökvað garðinn spjalla við nágranna og nokkra Buddara, þá ákvað ég að kíkja í e-póstinn. Það bar við þessi óskaplegaóþægilegaóánægjulegageðhræðislegahræðslugayilósættanlega frétt að liðið mitt, Seattle Sonics hafi verið selt, bara rétt sísvona.
Starbucks kóngurinn, sem sagt seldi liðið ásamt Storms (kellinga liðinu) til e-a fjárfesta í Oklahoma.

Á maður þá von á því í framtíðinni að sjá OKLAHOMA SONICS ? – vá ég get ekki hugsað þá hugsun til enda.

Mín eina huggun er sú, að mín uppáhalds fótbolta hetja, fyrrum Seattle Seawhaks besti leikmaður allra tíma (fyrir Shawn Alexander), Steve Largent, núverandi öldungardeildar þingmaður fyrir Oklahoma og vinur þessara fjárfesta, er að hann fullyrðir að Sonics verði áfram í Seattle

Take me out to the ball game

2006-07-07T16:50:00.000-05:00

Við hjónin erum á leið til höfuðborgarinnar þar sem ég verð á námskeiði n.k. mánudag og þriðjudag hjá Bush og félögum, þ.e. alríkisstjórnini sem vill uppfræða mig um hvernig þeir geta aðstoðað útflutningsfyrirtæki fjárhagslega. Hljómar vel, næstum "too good to be true" en "seeing is beleving" - og þeir buðu mér að koma, sennilega er litla Sigma komið á kortið í Washington.

Anyway, við hjónin ákváðum að gera svolítið meira úr ferðinni og eyða helginni í Washington og erum nú búin að kaupa miða á baseball leik, þ.e. Washington National og San Diego Padres, kanski ekki bestu liðin í MLB, en spennandi tilbreyting.

Ég er raunar orðinn svo spenntur að ég syng stöðugt baseball sönginn góða, sem er næstur á eftir þjóðsöngnum í virðingu bandarísku þjóðarinnar:

"Take me out to the ball game,
Take me out with the crowd.
Buy me some peanuts and cracker jack,
I don't care if I never get back,
Let me root, root, root for the home team,
If they don't win it's a shame.
For it's one, two, three strikes, you're out,
At the old ball game."

Ekki spillir spenningnum að kastarinn í leiknum hjá San Diego er einn af mínum uppáhalds ungu og upprennandi leikmönnum í MLB, Chris Young. Kappinn er ótrúlega góður og klár, Princeton graduate, sem hefði einnig getað orðið stjarna í NBA (6´10"), en valdi baseball. Ég get ekki beðið eftir að sjá gaurinn, verst að hann er ekki í Mariners.

Við fengum miða á mjög góðum stað og ætlum að mæta með baseball haskana og nánum vonandi að grípa einn.

NBA Draft

2006-06-29T23:45:00.000-05:00

Hjá NBA fíklum eins og undirrituðum, þá ríkir ávallt nokkur spenna varðandi NBA Draft Day. Þessi dagur kom og fór í gær. Þvílíkt og annað eins, það var draftað og það var kjaftað, það var treidað, það var leitað og áhangendum neitað.

Þetta ár er sennilega merkilegast fyrir þá sök að það voru engar stórstjörnur í boði, engin LeBron James og engin M.J.

Af fyrstu þrem voru tveir hvítir og sá fyrsti kom frá Ítalíu og nr 3 er með sykursýki og með yfirvaraskegg fyrir byrjendur "Fisher Price - My First Moustache".

Hinsvegar er þetta draft sennilega merkilegast fyrir þá sök að Portland Trail Blasers eru nú búnir að treida a.m.k. 3 heilum liðum fram og til baka, hægri- vinstri, norður og niður og vita sennilega ekki hvaða leikmenn þeir hafa í dag. Var þetta kanski nýr tölvuleikur hjá Paul Allan (M.S. stofnanda og eiganda Portland Taril Balsers og Seattle Seahawks)

Mér er rauna nákvæmlega sama um þessa "Draft Trading Soap Opera". Ég hef aðeins áhuga og áhyggjur af mínu liði. Eina huggunin við lélega framistöðu ár hvert, er að fá að drafta snemma næsta ár. Eftir ömurlegt gengi s.l. ár og þáttöku í "lottery draft" varð hlutskiptið nr.12

Hvað gerðist, Seattle dröftuðu enn einn 7 feta miðherja í fyrstu umferð, þriðja árið í röð, nú einn frá Senegal, reynslulaus og verður sennilega gagnslaus næstu a.m.k. þrú árin, eins og Robert Swift, ótrúleg mistök. Liðið þarf að manna aðrar stöður. Er Wally Walker (Sonics GM) ekki búinn að átta sig á því að það er aðeins einn miðherji í hverju liði. Hvað er maðurinn að hugsa? - Mistök á mistök ofan, síðast var það þjálfara ruglið (Það var ekki fyrr en við Jensi sendum þeim línu, að þeir ráku Bob #1)- nú er hann að safna miðherjum. Hann getur ekki bætt fyrir fyrri miðherjadraftmistök með því að hafa nú 3 í liðinu. Í mínum huga er kominn tími á WW og það fyir löngu. Jensi, sendum Mr. Starbucks (eigandum)línu, það virkaði í fyrra.

Happy Hour

2006-06-29T22:56:00.000-05:00

Það heur skapast skemmtileg hefð hjá okkur grönnum í Formanna Slóð, þ.e. við komum saman á "Gleðistund" (Happy Hour) á föstudögum þegar allir eru komnir heim. Til þess að samfagna Íslendingunum í götunni var komið saman fyrir framan Íslenska fánan og pantaðar pízzur að íslenskum þjóðlegum sið(raunar var það 23.júní) þ.e. fyrsta föstudag eftir 17jándan.

SKJÖLDUR

2006-06-29T22:34:00.000-05:00

Við áttum gæludýr í 2 daga. Hann heitir Skjöldur og er fremur hægfara fyrir gönguferðir, þannig að honum var skilað aftur til síns heima eftir tvo ánægjulega samverudaga

Bara aðeins að kíkja útum gluggan minn, hvar eru allir?

Kiddý og húsbílinn

2006-06-29T22:20:00.000-05:00

Hún Kiddý systir mín er engum lík. Hún kom í heimsókn á húsbílnum sínum, sem hún keypti á Ebay (hverjum hefði dottið það í hug nema henni) með bílstjóra og siglingafræðingi (Gaui og Ísleifur)

Jensson´s Manor í þjóðlegum búningi á 17ándan

2006-06-29T22:13:00.000-05:00

Champions, Y´All

2006-06-23T00:07:00.000-05:00

Eins og ég er mikil aláta á íþróttir, þá hefur íshokkí ekki náð inná mitt áhugasvið. Sennilega vegna þess að menn þar á bæ rugla gjarnan saman tveim íþróttum, þ.e. íshokkí og boxi eða öllu frekar götukílingum af verstu gerð.

Svo gerist það að suðurríkjamenn frá Norður Karolínu vinna titilinn, og hvað sögu þeir þá, að sjálfsögðu "Champions, Y´All" - ég veit að fyrrum NC búar (í fjölskyldunni) digga þennan

Er hann þá bara á bossanum i Strassanum?

2006-06-20T03:12:00.000-05:00

Íþróttir mbl.is 19.6.2006 21:37
Þýskir hermenn spyrja Klinsmann spjörunum úr

Athyglisvert

2006-06-20T02:47:00.000-05:00

Stundum kemur Mogginn (BLAÐ ALLRA LANDSMANNA) með athyglisverðar greinar. Þetta er ein af þeim
http://mbl.is/mm/frettir/serefni/forsaetisradherrar_2006/forsaetisradherrar.html

Nokkrar í viðbót

2006-06-07T00:27:00.000-05:00

Hér koma svo síðustu myndirna frá veislunni miklu
Renae og pabbi, hann sér ávallt um að flytja aðföngin á sínum Ford F-350

Mðal gesta voru Rússar og aðrir útlendingar, alvanir mjúkboltaspilarar og með græjurnar á hreinu
Hjónin kát á gleði stund, "kallinn við kabissuna stóð falli ra og konan að leika sér tralli lalli la"
Það var hann Elli sem tók myndirnar (fyrir utan þessa), sem hér sést með henni Helgu sinni.
Elli spilaði softball í fyrsta sinn á sinni æfi og stóð sig sem hetja (meira segja meiddi sig)

Svo var það afmælistertan

2006-06-06T23:53:00.000-05:00

Venju samkvæmt, þá kom Rose (systir Renae) með afmælistertuna og afmælissöngurinn var "framkvæmdur", þ.e. allir tóku þátt og hver söng með sínu nefi, sumir betur en aðrir (við nefnum engin nöfn)

Frábær dagur í u.þ.b. 30 stiga hita og allir skemmtu sér vel. Okkkur telst til að a.m.k. 100 manns hafi komið í veisluna miklu og gestirnir allt frá 1-90 ára.
Við vorum á nýjum stað, City View Park í Virginia Beach, sem er albesti staðurinn sem við höfum haldið þessa hátíð og er ekki langt frá okkar húsi. Renae er þegar búin að panta þennan stað næsta ár, Memorial Day Sunday (síðasta sunnudag í maí). Komi þeir sem koma vilja.

Svo byrðai alvaran

2006-06-06T23:46:00.000-05:00

Eftir að valið var í lið með hefðbundnum hætti, þ.e. tveir fyrirliðar völdu sína menn, þé byrjaði alvaran. Auðvitað vann liðiðið hennar Renae með yfirburðum

Mjúkboltaafmælisútieldunarhátíð hennar Renae

2006-06-06T23:35:00.000-05:00

Hér koma fyrstu mundirnar frá "Renae´s Birthday Softball Game" - meira síðar.
Óli og undirritaður sáum um undirstöðuatriðið, því allir komu tilbúnir í geimið, þ.e. softball, en einnig komu allir banhugraðir, við Óli redduðum því

Ný ímynd

2006-06-06T23:26:00.000-05:00

Þetta fyrsta opinbera myndin af ritstjóta þessa merka bloggs í nýju atgerfi, meira síðar, þ.e. þegar fólk er búið að jafna sig á sjokkinu.

P.s "Renae likes it"

Ein í viðbót frá Acapulco

2006-04-22T17:56:00.000-05:00

Gat ekki staðist að bæta þessari við

Nokkrar vísur sem duttu inn í kvöld, bara sí svona (án mynda)

2006-04-22T05:22:00.000-05:00

Vísnaþáttur

Að blóta öllu í sand og ösku

Ja hver djöfullinn danskur
Og andskotinn franskur
Hvernig hefði ég blótað
Ef ég væri sænskur

Að koma og ekki koma

Nú er ég alveg að koma
Það sem ég var einmitt að vona
En það er nú bara svona
að vera kynlaus kona

Samband mitt við konur

Þær eru sífellt að væla
Og stundum með bölvaða stæla
Hvernig sem mér tekst þeim að hæla
Þá er þetta ávallt ein endalaus þvæla

Vísnaþanka

Í hvet sinn sem ég skrifa vísu
Vildi að ég hefði hjá mér skvísu
Þá, myndi ég ekki yrkja um ýsu

Heimspekilega þegjandi

Ég eitt sinn dáði þann sem hugsaði og sagði
“To be or not to be, that is the question”
En nú fíla ég þann sem hugsaði en þagði
“To drink or not to drink, what a stupit quistion”
-Ja mennirnir breytast og tímarnir með

Ja það er nú það

Eitt sinn hitti lítinn mann
Sem hugsaði stórt
En sagði fátt
Svo hitti í stóran mann
Sem sagði margt
En hugsaði smátt
Hvor þeirra átti meira bágt

Mexico - Finito, og þó

2006-04-22T03:40:00.000-05:00

Þetta er síðasta myndin sem verður birt hér (í bili) af þeim 487 myndum sem við tókum í ferðinni. Hún er bara svo sæt þessi elska að ég varð að bæta þessari við (sorry, ég fylgdi með). Ég mun birta fleiri myndir ef áskoranir berast. Kanski að við ættum að registera á "barnalandi.is", allavega á ég fullt af "baby-pitcures" af konunni minni (my baby) :-)

Aðvörun!!!!!!, - næsti kafli er ekki fyrir börn og viðkvæmar sálir.

- Anyway, eins og traustir lesendur hafa séð, þá áttum við frábæra daga í Acapulco, Mexico. Hinsvegar varð heimferðin og heimkoman svolítið öðruvísi en við áttum von á. Við misstum af framhaldsfluginu í Huston, þar sem okkur var vísað á vitlust hlið og náðum ekki að hlaupa 5 km á milli hliða á réttum tíma (Chilis varð á vegi okkar) og þurftum að gista í Huston yfir nótt. Það voru að sjálfsögðu vandræði fyrir Renae þar sem hún átti að mæta í skólann næsta dag. Það bjargaðist þó eftir 10-20 símtöl og við komum heim næasta dag. Hinsvegar komu svo í ljós að við höfðum náð okkur í "Mexikanska flensu" (sem er mun betri en fuglaflensa) og herjaði mjög kröfulrga (mjúklega) á undirritaðan. Renae harkaði af sér og fór (kynnfiskasogin) í vinnu næsta dag með CTAF (can't trust a fart), en ég "SAT" heima næstu tvo daga. Ef ég hefði haft réttu bækurnar við hendina (innan 10 metra), hefði ég getað klárað doktorsprófið í gær með stæl. Hinnsvegar las ég meira um allt og ekki neitt en ég hef nokkurntíman lesið fyrr né síðar, en hvað gat ég annað gert (sitjandi)???? Nú er allt "í fínu formi" , eða þanni sko.

Takk fyrir lesturinn, UMMÆLI ÓSKAST.

Mexicano amigos

2006-04-22T03:29:00.000-05:00

Svo lendum við alltaf í því (klikkar aldrei) að kynnast skemmtilegu fólki, allt konunni minni að kenna :-) , en allt í góðu lagi mín vegna, eða þannig sko, - mikið fjör mikið gaman og mikið Tequila -huha

Party sigling um sundin blá

2006-04-22T03:13:00.000-05:00

Við fórum í skemmtilega en mjög svo fjðlskylduvæna "Midnight party" siglingu um Acapulco flóann, frábær skemmtun, mikið fjör mikið gaman

O men, líka í Mexico

2006-04-22T03:03:00.000-05:00

Viti menn, hinum megin við götuna við hótelið okkar var óþægileg áminning um "átthagana", nefnilega Super Wal Mart, en eins og sjá má á neðri myndinni var oðrin nokkur "vöruskortur" - bara ein efitr

Amigo

2006-04-22T02:56:00.000-05:00

Þarf nokkurn texta með þessari??????

Bíður betri tíma

2006-04-22T02:09:00.000-05:00

Ein af mínum æverandi löngunum, lífsþosta og þörf fyrir útþrá minna meðfæddu spennufikla og einennilegri þörf fyrir að lifa lífinu á mörkum hins raunverulega lífs og æsispennandi óreyndra æfintýra í óþekktum rauveruleika, eða allt að því óraunveruleika þessa lífs, er að upplifa tilfinningu þess að fara í "fallhlífasiglingu" (sjá mynd). Þegar ég eftir mikla umhugsun (árum saman), tilheyrandu kæruleysi eftirvæntingu og sjálfsíhugun (Tequila), ásamt óskiljanlegri en einlægri hvatningu eiginkonunar, ákvað ég að skella mér í ævintýrið. En viti menn, þeir sem áttu að koma mér í loftið sögðu mér bara sísvona, blákalt uppí galopið eftirvæntingarfésið á mér og ótrúlega yfvervegaðri minni ekta frú, - sorry, það er ekki nógur vindur fyrir þig í dag (þetta var síðasi dagurinn). Þetta var að vísu mjög kurteysislega sagt að ég væri og þungur miðað við flugskilyrði. Ég skildi þetta hinsvegar vel eftir minn stutta en ánægjulega feril sem flugnemi. Anyway, kanski bara einhverntíman síðar, eingin veit fyrr en allt í einu.

Acapulco - huha

2006-04-22T02:04:00.000-05:00

Þessar myndir hefðu sjálsagt orðið tilefni til hjóanskilnaðar, nema að því tilskyldu að eiginkonan var á staðnum og tók myndirnar, ja þvílíkt og annaðeins, er hægt að hugsa sér betra líf á þessari jörð?????

Acapulco - Ola

2006-04-22T01:52:00.000-05:00

Lífið á ströndinni (fyrir framan hótelið okkar) var aljört æði og mikil afslöppun

Páskahátíð á heilögum stað

2006-04-22T01:34:00.000-05:00

Það er engin leið að lýsa þerri tilfinningu að vera á slíkum heilögum stað eins og þessum, við hlið hins fræga kross sem gnæfir yfir Acapulco, á sjálfri páskahátíðinni. Þeir sem þekkja helgivenjur katrólskra um páskana (The Holy Week) vita kanski hvað við upplifðum. Saga krossins fræga er mjög merkileg og hugljúf, en þetta fræga minnismerki resti faðir tveggja ungra manna sem létust um aldur fram. Einnig mjög frægt listaverk "Hinar biðjandi hendur" (sjá mynd) er þar rétt við

Acapulco og Rambo

2006-04-22T01:12:00.000-05:00

Þetta er hin svokallaði Demantur Acapulco, rétt fyrir utan aðal bæinn og ströndina, skammt frá villu Sylvester Stallone og þar sem Rambo myndirnar voru teknar. Það voru að vísu engin skotmörk að finna og öll fórnarlömbin á bak og brott, engu að síður ótrúlega fallegur staður og ég skil Rambo vel að hafa ákveðið að reysa sér "sumarbústað" á þessum stað - sko engin smá "blessaður bústaður", eins og ungur maður hefði sagt forðum

Síðan síðast

2006-04-22T01:00:00.000-05:00

Ja það er nú aldeilis margt búið að ske síðan síðast (eða næstsíðast) en síðast en ekki síst þá er það sem gerðist síðast alls ekki síst - Mexico mi amigo

Við hjónakornin skelltum okkur til Acapulco http://www.acapulco.com/en/index.html um páskana. Þetta var okkar önnur ferð á þennan frábæra stað og við getum ekki beðið eftir að fara þangað aftur.

Hér erum við "on the Top of the World"

Komin aftur

2006-04-22T00:50:00.000-05:00

Ja hérna, þvíumlíkt og annað eins, þvílík skömm og aulaháttur.
Hér hefur ekkert verið skrifað í háa herrans tíð (m.a. um tíð hins há herra, sjálfa páskahátíðina) – algjörlega óafsakanlegt og því verður ekki hreyft litla putta (né öðrum lítt stærri) til þess að reyna að afsaka aulahátt ritstjóra þessa annars merka miðils.
En nú verður reynt að bæta úr þessum aulahætti og því eiga áskærir og tryggir lesendur vona á betri tíð með blóm í haga (allavega mun ritstjórinn haga sér betur hvað sem blómunum líður)

Góðar fréttir

2006-03-08T19:47:00.000-05:00

Shaun Aexander hefur undirritað 8 ára samning við Seattle Seawhaks, sjá http://www.seahawks.com/

Bestu fréttir sem ég hef heyrt í langan tíma. Go Seahawks - tökum Super Bowl 2007 með stæl

Þriðjudagar

2006-02-21T23:51:00.000-05:00

Hrikalega eru þriðjudagar leiðinlega karaksturslausir og lífssnauðir dagar, bara ekkert að gerast nema venjulegheytin, það er einafaldlega ekkert spennandi við þess daga. Í dag var einn slíkur, vá ég er feginn að þessi dagur að kveldi komin. Hafið þið tekið eftir þessum fáránlega aumingjalegum einkennum þriðjudaga? Allavega, þá eru mánudagar miklu betri, maður hefur afsökun til þess að líða illa og maður er ennþá að lifa í eftirminningum helgarinnar. Miðvikudagar eru líka betri, því er maður yfirleitt búinn að ná heilsunni eftir síðustu helgi. Fimmtudagar eru frábærir, helgin stutt undan og auðvelt að gera smá vettvangskönnun inní næstu helgi (bara smá kík). Föstudagar eru dagarnir sem allir lifa fyrir alla vikuna, þá gerast oft átíðum hinir ótrúlegustu hlutir, því mánudagurinn er svo langt undan. Laugardagar, toppurinn á tilverunni þegar miklifenfestu hlutir lífsins og unaður tilverurnar ná venjulega að láta ljós sitt skína. Svo eru það sunnudagar sem eru svo velkomnir til þess að slappa af eftir allan spenningin um hvernig vikan varð væntingum samkvæmt. Aumingja þriðjudagarnir hafa bara ekkert spennandi til að bera, mikið ósköp er ég ánægður að þessi þriðjudagur er að kveldi komin

Baunasúpa

2006-02-18T11:07:00.000-05:00

Ja nú sitja Baunarnir í súpunni. Er það þá ekki bara baunasúpa?
En einhvern veginn fer það óþægilega í tilfinningakerfið að vera með danskt blóð í æðum á stundum sem þessum. Einhver danskur Sigmund er búinn að setja heiminn á annan endann með blýantinum sínum í Jótlandi (Ljótlandi).
Í gegnum tíðina hef ég þurft að biðjast afsökunar á mínum gjörðum og framferði, sem ég hef gert vandræðalaust, enda þá oftast kominn bansettans í klípu. Nú eru hinir alvöru baunar komnir í “klípu aldarinnar” – af hverju geta þeir ekki beðist afsökunar? Og sagt “UNSKIKLD” – (“another ballpark –another rules"), en hin danska þróska á sennilega eftir að setja bæði Carlsberg og Tuburg á hausinn

Að muna og ekki muna

2006-02-17T23:21:00.000-05:00

Sennilega er ég að verða gamall (er það nokkuð?), en það er nú ekki svo slæmt.

Einhvern veginn kemur þessi hugsun upp hin síðustu misseri, því ég er að reka mig á minnisleysi , þ.e. skammtímaminnið er að svíkja mig enn og aftur, ekkert til þess að fjölskyldan þurfi að hafa áhyggjur af (þetta eru aðallega hlutir sem ég nenni ekki að muna, anyway). En einhvern veginn er það þannig að ég man það sem ég þarf að muna. Það sem er ekki þess virði að muna má bara fjúka úr mínum hausi mín vegna.

Við þessar og slíkar hugsanir, þá hlaðast upp minningar, frábærar minningar, úr langtíma minninu um frábærar stundir, frábæra vini og umfram allt frábæra fjölskyldu. Ekkert getur komið í staðin fyrir þessar frábæru stundir og fallegu minningar. Þetta er nokkuð sem við, hinir lífsreyndu meðlimir lífsins eigum útaf fyrir okkur. Hinar yngri kynslóðir geta ekki sett sig í okkar spor, alla veganna, ekki um stund. Það gerist þó hraðar en ykkur grunar elskurnar mínar, trúið mér - ég var á staðnum.

Það hefur það nú hinsvegar gerst í tvígang, með stuttu millibili, að ég sett saman algjör meistarastykki í anda forfeðra-og mæðra minna, en skammtímaminnið, eða öllu heldur skortur á skammtímaminni hefur gert heiminn snauðari en ella að hafa farið á mis við þessi meistarastykki.

Því varð þetta til:

Ja “það er nú það”
sagði maðurinn og kvað
en hvað
hann kvað
-ja það er nú það
því enginn man hvað
maðurinn kvað.
Og svo er nú það

OK, Ég er tapsár

2006-02-14T23:00:00.000-05:00

Ég vissi ekki að það tæki þetta langan tíma að jafna sig eftir tapið í Super Bowl. Anyway, þetta smá kemur, en kransar og blóm eru afþökkuð.

Ég vissi líka að við myndum ata kappi við Stálgæjana (kanski útlegst nafnið þeirra"stelarar") í gulu og svörtu, en ég vissi ekki að við þyrftum að keppa við gamla og sjóndapra kalla í röndóttum búningum, ég einfaldlega sá þá svona:

OFURSKALIN

2006-01-22T22:31:00.000-05:00

Vá vá - þvílík fíling
Saehawks komnir í OFURSKÁLINA

GO-GO-GO SEAHAWKS

2006-01-22T17:50:00.000-05:00

GO SEAHAWKS

2006-01-22T16:02:00.000-05:00

Nú magnast spennan

2006-01-20T00:03:00.000-05:00

Vá, þvílík spenna sem er að magnast uppí etthvað sem ég ehf aldrei upplifað. Á sunnudaginn verður það ráðið hverjir leika í Ofurskálinni (aðeins 4 lið eftir) og því allt undir.

Sávarhaukarnir frá Seattle taka á móti villidýrunum frá Carolina og hestagæjarnir frá Denver taka á móti stálverkamönnunum frá Péursborg.

Mín spá (og hjartans von) er að Seahawks vinni Steelers í Ofurskálarleiknum 5. Feb

Við bara spyrjum að leikslokum - GO SEAHAKWS

GO Seahawks

2006-01-14T09:11:00.000-05:00

Ég get ekki beðið, get ekki sofið, þvílikur spenningur, ég hreinlega man ekki eftir öðru eins.
Seattle Seahawks og Washington Redskins mætast í dag í úrslitakeppni NFL. Það verður kátt í hölinni fyrir framan 65" sjónvarpið, vá maður, þetta minnir mig á jólin á fyrsta áratugi lífsins.

Hér eru flestir, þ.á.m. Renae og hennar fjölskylda miklir Redskins áhangendur, sem gerir daginn enn magnaðari

- GO SEAHAWKS

Falleg minning um góðan mann

2006-01-10T22:03:00.000-05:00

Eitt af því sem ég hefði viljað gera á þessum vetfangi á þrettándann, þ.e. 6. janúar, var að minnast fyrrverandi tengdaföður míns, en vegna tæknibrests, þá frestaðist það þar til nú.

Sómamaðurinn og einn af mínum bestu vinum, tengdafaðir minn og afi barna minna, Valdimar Friðbjörnsson hefði orðið 80 ára þennan dag.

Ég mun ávallt minnast hans Dadda sem besta tengdaföður sem hægt er að hugsa sér.

Það var mér einstakt lán í lífinu að hafa átt þau Sissu og Dadda svo náin mér sem raun bar vitni.

Blessuð sé minning þeirra.

Svona fór um vísu þá

2006-01-10T21:08:00.000-05:00

Eins og allir sem mig þekkja vita að maðurinn er af góðu skáldakyni kominn. Það er þó ekki sjálfgefið að maður fái skáldagenið í vöggugjöf. Nei heldurbetur ekki, maður þarf að leggja sig fram við að framkalla þessa eiginleika og rækta skáldið í sjájfum sér.

Ég man ætíð þá stund þegar ég sem smágutti spurði Kristján afa: "hvernig á maður að búa til vísu?" - það stóð ekki á svarinu sen fyrr, "Siggi minn, lestu Heimskringlu og lestu svo Heimskringlu aftur og þegar þú er búinn að því, lestu þá Heimskringlu aftur - þá getur þú búið til vísu".

Ég eignaðist síðan Heimskringlu, óinnbundna (af fornbókasölu) og las og las en ég held að ég hafi ekki náð að klára hana einu sinni. Er það þessvegna sem ég kann ekki að setja saman vísu (þori ekki að nota orið "yrkja") ?

Kanski er þetta skýringin, en ekki hefur skort viljann. Því var það æði sárt, að rétt á meðan tölvan var í rústi, nú um áramótin, varð til þessi ekki litla tímamótavísa, en viti menn, tölvan biluð og vísan gleymdist með öllu.

Því varð þessi til (núna rétt áðan):

Vísan sem fór, ja, sú var stór
he, he, hafðu þig hægan
ég sá ekki hver hún fór
en veit að hún hefði gert mig frægan

Ársbyrjun á tækniöld

2006-01-10T21:04:00.000-05:00

Það er með ólíkindum hvað maður er orðin háður þessum tölvum. Ég hreinlega er ekki vaknaður á morgnana fyrr en ég hef tékkað póstinn og fréttasíðurnar, þ.e. fyrir sturtu og lýsi. Til dæmis hef ég með öllu lagt af hinn forníslenska sið að byrja daginn á því að “gá til veðurs” – maður bara sér þetta allt á tölvuskjánum. Ég semsagt spyr tölvuna, áður en ég fer úr náttfötunum (þ.e. þegar ég sef í náttfötum) hvernig ég eigi að klæða mig þann daginn.

Þá er fjarlægðin við átthagana gerð að nánast engu þar sem ég les moggann á hverjum morgni og kíki stundum á hina sneplana (þ.á.m. Bæjarins besta), þ.e. þegar það eru auglýsingar á CNN. Skoða myndir á fjölskyldu bloggunum og meira segja hlusta á útvarp og sjónvarp.

Svo einn góðan veðurdag (að ég held, sá ekki veðrið á skjánum), þá er þessum grundvallarforsemdum lífsins kippt undan manni, bara sí svona og fyrirvaralaust. – Tölvan hrundi og það á fyrsta degi ársins 2006 (sem verður frábært ár) – einhverjir bansettir, bölvaðir og dísóttans tölvuþrjótar “útí hinum litla heimi” sem hafa ekkert annað fyrir stafni en að ráðast á blásaklausan tölvualmúgann, sem lítið veit umfram lyklaborðið og skjáinn, rústuðu mínu lífsmynstri. Ég sá ekkert nema svartnættið (bæði á skjánum og útum gluggann), enda vaknaði ég seint venju samkvæmt á fyrsta degi ársins

Ekki bætti úr skák að ég byrjaði árið með bölvaða yðrakviðuflensu og fór ekki á kontótinn fyrr en á sjálfan þrettándann.

Ja, svona byrjaði nú árið á þessum bæ, Sagði ekki einhver góð kona og það oftar en einu sinni “fall er fararheill”

Ekki aldeilis dottin af baki

2006-01-10T20:13:00.000-05:00

Gleðilegt ár mínir tryggu lesendur og bestu þakkir fyrir góðar móttökur þessa merka miðils á liðnu ári.

Vega tækniörðuleika með vankunnáttulegu ívafi, hefur bloggið legið niðri síðan í fyrra. En fyrir einstaklega þrálega og fálega antíeftirgefanlegan persónuleika ritstjórans, þá var þessu kippt í lag. Vona að þessar skýringar séu á hreinu.

-Anyway, hér verður haldið áfram með “hitt 0g þett" - ársins sem leið.

Krúttulegasta mynd ársins

2006-01-10T20:01:00.000-05:00

Krúttulegasta mynd ársins

Ég hef séð margar góðar, en þess slær öll met. Raunar eru höfundarréttarlögin hér þverbrotin, því ég stal þessari mynd af http://josefymir.barnaland.is/ - fyrirgefning óskast.

2005-12-30T02:03:00.000-05:00

Jólaveinn ársins

Kellingasleikir

Please, gerið mér greiða

2005-12-30T01:38:00.000-05:00

Kæru lesendur og vinir, ég bið ykkur að gera mér greiða, þ.e. að senda e-mail til fans@sonics-storm.com og segja aðeins þetta:
"I like the Sonisc, but WE NEED NEW COACH, please"

Vinsamlegast sendið mér "bbc" ef þið nennið að gera mér þennan stóra greiða, því þessi þjálfari (nenni ekki einu sinni að nefna hann á nafn) er eins og uppmálaður LÚSER, virðist algjörlega áhugalaus.

Það eina sem við DIE HARD SONICS FANS getum gert er að biðja vini og vandamenn að gera okkur þennan greiða, enn og aftur, að senda e-mail til fans@sonics-storm.com og segja þetta: 'WE NEED NEW COACH -Please' - Og e.t.v. bæta við, "I suggest Jack Sikma"

Takk fyrir
Sonic's Fan # 1

Gleðileg jól

2005-12-24T15:02:00.000-05:00

Q Gleðileg jól

Merry Christmas

Feliz Navidad - Fröhliche Weihnachten - Joyeux Noël - Glædelig jul - Veselé Vánoce - Vrolijk Kerstfeest - Hyvää Joulua - Buon Natale - Meri Kurisumasu - Priecīgus Ziemassvētkus - God jul - Wesołych Świąt - Feliz Natal - C Pождеством - Srecan Bozic – สุขสันต์วันคริสตร์มาส - Múng Chúa Giáng Sinh

Maður ársins 2005

2005-12-20T19:02:00.000-05:00

Maður ársins 2005

Jósef Ýmir Jensson

Eins og fram kom hér í gær, þá var maður ársins 2005 valinn með öllum greiddum atkvæðum A.O.A.B Akademiurnar og komu raunar ekki aðrir til greina í þessu kjöri, en hann er Jósef Ýmir Jensson, sem hér sést með ritstjóra A.O.A.B og formanni Akademiunar.

Maður ársins

2005-12-19T19:12:00.000-05:00

Á þessum árstíma er víða valin persóna ársins á hinum ýmsu sviðum, s.s. íþróttum, listum vísindum o.s.fr. Oft eru það leiðandi fjölmiðlar sem standa fyrir slíku og e.t.v. sú kosning sem mesta athygli og eftirvæntingu vekur ár hvert er kjör Times tímaritsins á manni ársins. Niðurstaðan var birt í gær og hlutu þrír einstaklingar heiðurinn að þessu sinni, þ.e. Bill Gates og frú ásamt Bono

Þessi merki fjölmiðill hefur einnig valið mann ársins og var það einróma niðurstaða ritstjórnar og "A o a b Academiunar" um valið. Það þótti merkilegt, því flest af því sem þessi miðill hefur fjallað um hefur valdið miklum usla og ritdeilur algengar. Ritstjórnin hefur ekki látið það á sig fá þó svo að ónefnd ættmenni ritstjórans hafa látið hann hafa það óþvegið. Það lýsir hinsvegar styrk þessa miðils að ekki hefur verið horfið frá upphaflegri ritstjórnastefnu. Þá er það ómdeilanlega styrkur þessa miðils að algjört samkomulag náðist um val á manni ársins.Úrslitin hafa verið innsigluð hjá Bandaríska dómsmálaráðuneytinu og verð birt á morgun.Lesendum er velkomið að koma með sínar ágiskanir og verða veitt verlaun fyrir rétta svarið. Berist fleiri en ein rétt lausn, þá verður dregið úr nöfnum þeirra og aðeins einn fær verðlaun.Þess má geta margar aðrar tilnefningar verða birtar hér á næstunni

Happy Thanksgiving

2005-11-23T21:50:00.000-05:00

Bráðum koma blessuð jólin 2

2005-11-21T20:38:00.000-05:00

- og nú eru nágrannarnir farnir að skreyta húsin, ég held bara að ég fari að setja skóinn útí glugga

Bráðum koma blessuð jólin

2005-11-19T16:56:00.000-05:00

Á leið minni heim í dag sá ég að stað sem er að selja JÓLATRÉ - og sumarið rétt búið, hvert fór haustið?

Ekki góð afmælisgjöf

2005-11-15T23:30:00.000-05:00

Í gær átti Jack Sikma 50 ára afmæli, hann er nú aðstoðarþjálfari síns gamla liðs Seattle SuperSonics. Þegar við bjuggum í Seattle, þá var hann okkar aðal hetja. Hann var ekki bara undrabarnið, sem nýliði í sigurliðinu 1979, heldur hetja liðsins næsta áratuginn og margfaldur All Star.
Það voru því kaldar kveðjur lærissveina hans á 50 ára afmælisdegi hans að tapa fyrir New Jersy í kvöld.

By the way, HAPPY BIRTHDAY, Jack and thank you for all the great moments. - The Jenssons (rember us, we met you at Lynwood Mall and we have a pitcure of you and Jens) + we saw you play all the time and I meet you in the locker room few times as a reporter, come on Jack, you must rember me :-) - I am your biggest fan from Iceland

OK, gefum þeim sjéns

2005-11-14T00:28:00.000-05:00

Ég hef verið lítið fyrirgefanlegur hvað varðar hræðinlega byrjum þessa tímabils hjá mínum mönnum í NBA, sbr fyrra blogg. Það var þó smá bót í sárið að sjá þá vinna Toanto í kvöld.
Kanaski kemur "betri tíð með blóm í haga"

Hann kann þó (eftir allt) að þakka fyrir sig

2005-11-14T00:23:00.000-05:00

Sigurhelgi

2005-11-13T21:39:00.000-05:00

Ja hérna og annað eins

Sonics, Sheahwks og Huskies unnu öll um sömu helgina, ja hérna, þvíumílíkt og annað eins - Jesús minn almátugur, - og hvað er nú eftir að segja um það, akkúratt ekkert nema þetta, Thank you Jesus

My Sonics, what is going on?

2005-11-09T22:22:00.000-05:00

Jæja, þá skellir á með alvöru þrasi og það á ensku. Ég setti þetta inná e-a Sonics fan blogg, og meina hvert orð

I have been in a long distance love affair with the Sonics since my college years at SPU and UW early 80´ and what a joy, with some up’s and downs. I was lucky enough to see the ’79 Champions team and will never forget all the fun seeing Lenny Wilkins and his boys as, Sikma, Gus, Freddie, Lonnie, Dennis and later David Thomson :-( , then Tom Chambers, Nate, Dale, Kemp, Garry and now Allan and Lewis. I will never forget the 1982 the 12-0 start.

Now with Nate gone, and 1-3 record, the team is on a serious down slope in spite of a great talent.

Please, please, get us a REALE COACH. – “What’s his name” even looks a like a loser -has to go. How about SIKMA, he has been out there and knows what takes to win, even Lenny could do a better job, and he lives in Seattle, right?

Happy Haloween

2005-10-31T12:21:00.000-05:00

Í dag er Haloween, eða hrekkjavaka, eins og mig minnir að það hafi útlagst á máli mörlanda.
Það var sko algjörlega "Happy Haloween" á þessum bæ, því þéðan fóru öll þau fjölmörgu nágrannabörn sem hingað komu (í fylgd foreldra) glöð og ánægð. Það var ekki bara vegna þess að þau fengu góðan skammt af nammi (eins og vera ber), heldur vegna þess að við þeim tók sérlega glæsileg prinsessa sem hingað kom sérlega af þessu tilefni alla leið frá framandi heimi, engin önnur en The Princess of Alf Hill, Lady Ha-Na-Lu-Bani.

Því miður er ekki hægt að birta fleiri myndir að þessu sinni en þessum atburði verður örugglega gerð betri skil í heimspressinni.

Hann kippir í kynið, eða hvað?????

2005-10-24T19:46:00.000-05:00

Ljóð, dýrt kveðið eftir "undirritaðan" sem gleymdi að skrifa undir.

Þvílíkur leirburður, ja hérna og annað eins.

Það eina góða við þetta er að það getur ekki öllu verra orðið, því sækjum við á brattan og lofum bót og bertrum. (þessi ritsmíð tók 5 mín. - næst gefum við þessu a.m.k. 12 mín. )-Ritstjóri.

- og nú hefst lesturinn.

það sem einu sinni var
svona hér og þar,
kemur ekki aftur
-er bara farið, það veit hver einasti kjaftur

Hvernig má það þannig vera
að ungdóminn þverri svona skjótt.
Einu sinni ætlaði ég að verða Séra
en það dó um eina sumarnótt

Eitt sinn hélt ég að ég væri skáld og kynni að búa til vísu,
eins og Kristján afi
en mér var hinsvegar ætlað að flaka ýsu,
á því er ekki nokkur vafi

Því ef ég kynni að yrkja vísu,
hefði ég platað með mér skvísu
út í móa við sólalag
og reynt að yrkja henni ástarbrag

Hvert sem til baka líta má
er ekkert nema eftirsjá,
bara ég hefði áður fyrr
-hugsað smá og setið kyrr

Og svo hér ein staka

Með hundrað hænur í fjósi
og tuttugu hunda á beit,
er það nema von að það gjósi
austur í Þingvallasveit

Með græjurnar í lagi

2005-10-19T00:15:00.000-05:00

Á hverju ári fæ ég nokkurskonar bónus frá Costco, þ.e. einhverskonar þakklæti fyrir viðskiptin á liðnu ári. Þetta eiga að vera 2% af viðskiptunum, en hámark $500. Ef allt væri með rentu, þá ætti ég að fá mun meira en 500kall, sennilega a.m.k. 5000kall. Anyway, ég fæ þennan 500kall á hverju ári og hef fyrir löngu ákveðið að eyða þeim öllum 500 í eitthvað sem ég myndi aldrei annars kaupa, þ.e. eyða þessu í bölvaða vitleysu. Í ár sló ég öll met. Labbaði út með Yamaha DGX 205 Portable Grand piano, orgel og skemmtara með öllu og Yamaha DD 55C Digital Drum Set og þurfti aðeins að borga $14,00 úr eigin vasa, geri aðrir betur. Það varð til þess að nú er ekki bara spilað Down by the Riverside 59 sinnum á kveldi á píanóið, heldur eru þeir Joe Morello og Gene Krupa endurfæddir í mínu húsi, konu minni til mikillar hamingju, eða þannig sko

Tækniframfarir

2005-10-12T22:16:00.000-05:00

Þrátt fyrir hina alkunnu takkagleði og tæknidellu mína, þá hefur gengið bröslullega í gegnum árin að fá mig inná að nota MSN-ið, tölvusíma eða einhver Heimskort (sem systur mínar halda ekki vatni yfir) til að spjalla við mína nánustu. Ég er eindfaldlega ekki mikið fyrir að spjalla í rituðu máli (of hægt fyrir mig) eða að hringja í 20 stafa númer áður en hið rétta símanúmer er valið, sé einfaldlega ekki vinnusparnaðinn. Mér hefur fundist betra að taka bara upp símann og byrja að spjalla uppá gamla móðin eða þá bara að þá að senda Emil.

Hinsvegar urðu straumhvörf og algjör viðsnúningur hjá mér í gær, þegar ég var að tala við Guðbjörgu og hún, bara sísvona leiddi mig inn í nýjan heim, þ.e. að horfa á hana og börnin, life í tölvunni í beinni útsendingu, þ.e. símtali.

Það var til þess að ég fór í Best Buy í dag og keypti mér þessa líka fínu vefmyndavél (er það ekki gott orð fyrir WebCam?)´

Ég er nú tæknilega tilbúinn að láta mína ásýnd fylgja símtölum (fékk eina með wide screen), hvort sem það er til bóta eða ekki.

Comment óskast

2005-10-11T21:18:00.000-05:00

Ég sit hér stundum fyrir frammi fyrir mínu vesæla en lífsglaða sálartetri og tölvuskjá, sem átakanlega og ljóslifandi tákn um tímana tvenna, í misjafnlega gáfulegri sjálfskoðun og vangaveltum um margslungna, sumpart gáfulega, en oftar en ekki vanmáttlega og lítilfélega, lítt nytjasamlega veraldlega hluti og andlega en stundum óskiljanlega speki. Þetta eru mín forréttindi á tölvuöld.

Hinsvegar veldur það mér stundum sársaukalegum sálarkvölum og vandræðanlegum vangaveltum um að allt þetta bull og “speki” nái ekki augum annarra en mín og aftur míns sjálfs, daginn eftir að bullið var sett í loftið.

Allavega eru COMMENTIN ekki mörg og því ekki hægt að selja auglýsingar á síðunni vegna skorts á haldlegum sönnunum um áræti.

-- Comment óskast, ella er hætt á að þessi tímamóta skrif falli í aldanna skaut.

Sportmania

2005-10-11T00:02:00.000-05:00

Það er nóg að gera í sportinu þessa dagana.

1. Daly, Daly, Daly, hvernig í ósköpunum gastu misst 3 feta pútt á annarri holu í playoffi við Tiger??????? – meira segja ég hefði sullað þessu í fyrir tíkall, en fyrir $ 550,000, var ekki ástæða til að vanda sig aðeins betur, kannski leggjast á hnén og lesa línuna, ég bara spyr. Við erum að tala um ca. 30 ára árstekjur flestra þeirra sem horfðu á ósköpin á þessum upgreitaða almenningsvelli í San Fransisco, þar sem pizzu sendlar spila dags daglega, en í síðustu viku voru þar bestu kylfingar heims. Ég meina $ 550,000, eða rúmma 34 milljónir kr fyrir ca 1 meter, þ.e. 340 þúsund pr cm, - hefði maður ekki aðeins skoðað línuna betur og kanski beðið kaddýinn um álit. Hinsvegar gat JD ekki beðið öllu lengur eftir því að fá sér bjór og sígó.

2. Seahawks unnu sína erkifjendur, St. Louis í æsispenandi leik, 37:31, m.a. með “stöngin inn” vallarmarki frá sparkaranum sem ég sagði ykkur frá í síðustu viku. Hann greinilega miðaði “aðeins lengra til hægri” – þvílíkt og annað eins, er stráksi með ólæknandi vinstrivillu? – anyway – við unnu og erum nú á toppi NFL-NFC-West – a.m.k 6pk af Corona virði.

3. Baseball, hefur einhver áhuga? – Yankees voru rétt í þessu að tapa 5ta og síðasta leiknum gegn LA Angels. Það er alltaf gaman að sjá Yankees tapa, en að sjá LA Angels vinna er hinsvegar ekkert gaman. Rétt eins og að KR tapi fyrir Val, eða Valur tapi fyrir KR, sama hver úrslitin eru, alltaf slæmt, þ.e. annað liðið þarf að vinna. - Í gær töpuðu Atlanta Braves fyrir Huston Astros í 18 lotu leik (9 lotur er venjulegur leikur), þ.e. lengsta leik í úrslitakeppnini, ever. – maður þarf nú að vinna með þessu, engin tillitsemi.

4. NCAA, þ.e. háskólafótboltinn. Það er ánægjulegt að sjá Virginia Tec rúlla upp hverju liðinu á fætur öðru. Eru nú í 3ja sæti á öllum styrkleikalistum og koma til með að vinna National Title með Marcus Vick (bróðirMichel Vick, besta QB í NFL) í broddi fylkingar.

5. Svo er hið árlega haustgolfmót Íslendinga um næstu helgi og verður haldið hér í Virginia Beach, þ.e. á Signature West, einum besta velli á svæðinu, hönnuðum af Arnold Plamer. Sem defending champion, þarf ég sennilega að fara að æfa, en ég ef ekki snert á kylfu síðan ég spilaði á Íslandi í júní s.l. – spyrjum að leikslokum.

Föðurminning

2005-10-04T23:07:00.000-05:00

Í dag, 5. október, hefði faðir minn orðið 80 ára hefði honum auðnast aldur. Hann hinsvegar kvaddi þennan heim alltof snemma, eða aðeins 62 ára gamall.

Sem svo oft áður og ekki síst á þessum degi leitar hugurinn til hans og minnigin ef fögur. Hann faðir minn var einstaklega geðprúður maður og glæsilegur á velli. Hann var einstaklega ljúfur og nærfarinn við okkur systkinin og skipti sjaldan skapi, hvað sem á gekk. Það var ekki alltaf miklum veraldlegum gæðum til að dreifa, en andlegu og huglegu gæðin, væntumþykjan og ást hans var meiri margur fékk í æsku. Hann var mjúkur maður.

Foreldrar mínir voru einstaklega samrýmd og áttu sér á hans síðustu árum einstaklega hugljúft áhugamál, sem “blessaður bústaðurinn”

Blessuð sé minning hans.

Alltaf í boltanum

2005-10-03T21:11:00.000-05:00

Ég er nú loksins farin að skilja af hverju Ameríski fótboltinn er kallaður “FÓTBOLTI”

Í gær þurfti ég að horfa uppá ein hin hræðilegustu endalok sem ég man eftir í NFL leik, nokkuð sem hefur reynt meira á mitt alkunna jafnaðargeð en nokkur annar íþróttaatburður á þeim árum sem ég enn sitja eftir í mínu hrakandi minni.

Það vita allir sem mig þekkja að ég og Seattle Seahawks erum álíka duo og Egill rakari & KR forðum eða Jack Nicholson & Lakers.

Í gær áttu mínir menn í kappi við lið höfuðborgainnar, Washington Redskins, sem raunar á sinn heimavöll í Landover, Maryland (sorry J&J að ég skuli nefna þennan stað).

Eftir að 80 tröllvaxnir menn í hvoru liði höfðu barið karlmannlega hverjir á öðrum með tilheyrandi, árekstrum, líkamsleiðingum, andstyggulegum orðaskiptum og venjulegum meiðslum, var staðan jöfn, 17:17, þegar 1 sekúnda var eftir. Mínir menn voru með boltann á ákjósanlegum stað fyrir vallarmark (field goal), 47 stikur og því einfaldlega sigur í þessum jafna og spennandi leik. “Sparkarinn” sem áður hafði neglt inn 53 stikur, gerði sér lítið fyrir og skaut í vinstri stöngina, “stöngin út” !!!!!!!!!!!!
Þvílíkt og annað eins klúður, vá!!#!&^#!~*# ----, ég er einafaldlega ekki búinn að jafna mig. Leikurinn fór í framlengingu, þ.e. bráðabana þar sem liðið sem fyrr skorar vinnur. Viti menn sparkari Rauðskinna, álíka lítill fyrir manna að sjá og sparkari minna manna, þ.e. u.þ.b. helmingi minni en aðrir liðsmenn (ekki einusinn alaðsparkarinn, heldur varamaður), með andlit eins og 12 ára drengur, gerði útum leikinn með aumingjalegu sparki sem fyrir einhverja tilviljun lenti á milli stanganna eftir að hafa þurft að endurtaka sparkið vegna aulaskaps, þ.e. 5 stika viti fyrir seinagang. Hann er svo lítill, að eftir markið reyndi hann stöðugt að fagna með félögum sínum með því að fálma með báðum höndum uppí loftið, en félagarnir tóku ekki eftir honum.

Það sem grætir mest er að í blaðaviðtali í dag, viðurkenndi sparkari minna manna að hann hefði e.t.v. átta að miða 1-2 fetum lengra til hægri. Þetta er verra en nokkuð annað sem ég hef heyrt á minni löngu og strembnu æfi – afhverju í fjandanum ekki að miða á MITT MARKIÐ???????? – ÞAÐ ER ENGINN MARKMAÐUR!!!!!!!!!!!!! --GLEYMDIST AÐ SEGJA HONUM ÞAÐ?????

Er þetta ástæðan fyrir því að American Football er kallaður FOOTBALL??????

Íslandsferð

2005-09-29T23:43:00.000-05:00

Ég sit hér kvefaður og hundslappur eftir annars hina ágætustu Íslandsferð.

Kuldinn kom mér hinsvegar á óvart og það svo að gamli maurlandinn þoldi svo illa við að ég á nú í stríði við það versta kvef og hálsbólgu sem ég man eftir.

Ferðin var raunar mjög svo eftirminnileg fyrir ólíka atburði er snertu tilfinningatetrið í allar áttir.

Af hinu góða og það sem gladdi mig mest var að eiga góðar stundir með afakallinum honum Jósef Ými http://josefymir.barnaland.is/ , það var yndislegt að sjá hvað hann hefur dafnað og stækkað. Það var einnig ólýsanlegt hvað hann var sáttur við afa gamla úr Ameríkunni og sýndi mér enga vanvirðingu. Ég sá til þess að hann hefur nú eignast sitt fyrsta golfsett (og ekki það síðasta).

Þá átti ég að vanda mjög góðar stundir með Sissu Lísu “pabba ling” á “Pabba Pizza Hut” og síðar mjög skemmtilegt kvöld á TGIF með Jensa, Jónu, Jósef Ými, Sissu Lísu og Barða harða hinum danska.

Þar sem engin var heimsóknin til múttu í Bláhamrana og venjulegt pönnukökuát vantaði nokkuð á hinar hefðabundu mjúku hliðar þar sem hún var í heimsókn hjá Kiddý á Höfn. Þessi ferð hennar endaði raunar eins og sumar aðrar ferðir á sjúkrahúsi. Nú er Skrautfjöðrin aftur útskrifuð af sjúkrahúsinu og nýtur þess að vera í góðu yfirlæti hjá Kiddý og fjölskyldu. Það er nú meiri seiglan í þeirri gömlu, enda á hún ekki langt að sækja það.

Það var skemmtilegt að heimsækja æskuvin minn Steinar og eiga með honum nokkrar góðar stundir, þ.á.m. að heimsækja hann og Gretu þar sem Donni og Guðrún voru einnig (óvænt). Við Steinar höfum verið að halda uppá okkar hálfrar aldar vináttu að undanförnu. M.a. kom hann og Greta í heimsókn til okkar s.l. páska þegar hann ákvað að gefa sjálfum sér katilják af tilefninu. Þá var okkur Renae boðið í frábært boð í Goðheimana í júní s.l., það sem við áttum frábært og gott nostalgigst kvöld þar sem frábærar veitingar voru fram bornar að vanda, með heimilishjónunum ásamt Halla og Írisi, Erlu (hans Óskars heitins) ásamt Donna og Guðrúnu. Þá vildi svo skemmtilega til að Birna var þar í heimsókn hjá foreldrum sínum ásamt börnum sínum, sem ég hgef ekki séð fyrr, en þau bua í Noregi. Þetta kvöld sá Renae svo um munaði að ég á góða vini á Íslandi.

Um aðra ánægjulega þætti ferðar minnar er það að helst að segja að ég hékk í símanum við systur mínar sunnan og norðan heiða á hverju kveldi auk þess sem ég spjallaði við múttu á sjúkrahúsinu. Það er aðeins eitt um þessi símtöl að segja að þau voru skemmtileg að vanda og oftast bönnuð innan 16.

Það var hinsvegar annað sem skyggði á gleðina í þessari ferð, en það var að fylgja minni elskulegu fyrrverandi tengdamóður, sæmdakonunni, Sigurlaugu Barðadóttur til hinstu hvíldar. Hún var búin að berjast hetjulega við krabbamein í ein þrjú ár og var sennilega hvíldinni fegin og mest af öllu að fá að hitta hann Dadda sinn á Himnum. Ég þakka henni fyrir allar góðu stundirnar sem við áttum saman og bið góðan Guð að taka vel á móti henni. Hjá okkur öllum mun ávallt lifa falleg minning.

Kallagrobb

2005-09-29T22:23:00.000-05:00

Ég hef unnið til verðlauna í fleiri íþróttagreinum en meðal vísitölu fjölskylda, þ.e. allir meðlimir til saman. Mín afrek er unnu til verðlauna eru í stuttri útgáfu þessi:

Knattspyrna
Handbolti
Körfubolti
Sund
Frjálsar íþróttir, þ.e. hástökk, 400m, 100m og víðavangshlaup (átti erindi í 400m á OL í Rome 1960 og ekki síður Tokyo 1964)
Skíði
Dans
Badminton
Golf (leikmaður, liðsstjóri og kylfusveinn)

Auk þess fékk ég veglegan verlaunapening úr skýra gulli (að ég hélt á sínum tíma) fyrir að hafa tekið þátt í vígsluhátíð Laugardalsvallar 1957 (í hvítum bol og ljósbláum stuttbuxum)

Önnur eftirtektarverð afrek á íþróttavöllunum landsins var að ég var um nokkra ára bil besti sölumaður "sælgætis, sígarettu og vindla" (með kassa framan á maganum), bæði á Melavelli og Laugardalsvelli.

Geri aðrir betur.

SKEMMTILEG TILVILJUN

2005-09-08T22:05:00.000-05:00

“SKEMMTILEG TILVILJUN” - þetta er einn skemmtilasti frasi sem ég hef upplifað í gegnum tíðina og fékk allt aðra og mun heimspekilegri þýðingu í mínum huga undanfarin misseri. Þessi frasi varð til, eða öllu heldur fékk endurreisn, fyrir algjöra tilviljun, raunar ekki svo skemmtilega tilviljun á þeim tíma, þegar ég og Kiddý systir mín vorum á vaktinni á Virginia Beach General Hospital á haustdögum síðata árs - og ekki orð meira um þá (skemmtilegu) tilviljun að sinni.

Þessar hugrenningar urðu hinsvegar til þess að ég hef ákveðið að nú mun hefja göngu sína fastur þáttur hér á blogginu mínu, undir nafninu “Skemmtileg tilviljun” – skemmtileg tilviljun það, eða hvað????

Nú og héðan í frá, um óákveðna framtíð, mun því nafngiftin, hin heimspekilega, þaulhugsaða og yfirmáta íhuguð, frá alþýðlegri grunnhugsun og skilningi ásamt öllum öðrum B.S., “Alvara og annað bull”, fá uppreisn æru sinnar og upphefjast á æðra plan með nostalgísku og heimspekilegu, en oftar sem ekki barnalegu og einlægu yfirbragði.

Og eins og skáldið sagði “nú hefst lesturunn” :

Einn af mínum fáu föstu tilverustöðum í lífinu var Langholtsskólinn. Þar sat ég á skólabekk allan minn grunnskóla, þ.e. frá miðjum vetri 7 ára bekks til 12 ára bekks (nú heitir þetta eitthvað annað, þ.e. 1. 2.3. bekkur o.s.frv.)

Á þessum tíma var lífið svo einfalt og skemmtilegt, við vorum sömu krakkarnir í sama bekk og áttum sömu foreldra og bjuggum í sömu húsunum öll þessi ár. Kennarinn okkar, hún Elín Vimundar, lenti hinsvegar í því að brjóta upp munstrið þegar hún, öllum á óvörum (og án þess að spyrja okkur leyfis) varð allt í einu og sí bara svona ólétt, þegar við þurftum mest á henni að halda á síðasta ári okkar í skólanum, þ.e. 12 ára bekk.

Við gátum hinsvegar ekki orðin heppnari með staðgengil (eða eins og þeir segja í hafnatboltanum, “closer”) , því til okkar kom með hjálp Guðs, Valdimars, skólastjóra og Kristjáns yfirkennara (svo fáir séu nefndir) landsþekktur kennari og barnabókahöfundur, að norðan Eiríkur Stefánsson frá bænum með kirkjunni fyrir ofan tröppurnar. Hann talaði raunar öðurvísi íslensku, en okkur líkaði svo vel við kappann að við lögðum okkur öll fram við að skilja hann.

Bróðir hans, Matthías, að mig minnir (sennilega hefur minnið svilkið mig, ekki í fyrsta sinn) var kennari 12 ára bekks í Breiðagerðisskóla. Það varð til þess að við tókum upp vinarbekkjarsamkomulag. Þau komu í heimsókn til okkar og við fórum (gangandi) yfir Skeifu-mýrina, sem þá voru kartöflugarðar, í heimsókn til þeirra.

Heimsókir þessar voru vandlega undirbúnar á báðum stöðum, sem um opinberar heimsóknir kóngafólks væri að ræða. Allir skemmtikraftar voru að fara á taugum (meira um það seinna) en allir höfðu gaman að og þetta er eitt af því sem uppúr stendur í minningunni um barnaskólaárin góðu í Langholtsskóla. (ég kann margar sögur og kann að segja frá góðum bekkjasystkinum sem nú eru landsþekktir einstaklingar, kemur vonandi síðar).

Aðalskemmtikrafturinn í Breiðagerðisskólabekknum var hinn síðar landsþekkti knattspyrnu- og handboltahetja og enn síðar skemmtikraftur og sjónvarpsstjarna en þá einnig skólabróðir minn í Dansskóla Rigmor Hansen, nefnilega enginn annar en Hemmi Gunn. Ég man enn eftir einum brandarunum sem hann sagði þá (hann byrjaði snemma að troða upp) “ Það var einu sinni svo lítill kall, að hann þurfti að fara upp í stiga til að taka af sér hattinn” :-), he, he o.s.fr.

Í Breiðagerðisskólabekknum var einnig annar, síðar landsþekktur knattspyrnumaður, félagi minn og vinur úr Fram, Helgi Númason, síðar tengdasonur föðurs FH og handboltans á Íslandi, Hallsteins, faðir Geirs Hallsteinssonar besta handboltamanns Íslands fyrr og síðar.

Þeir Hermann og Helgi urðu síða félagar í landsliðinu og spiluðu marga leiki fyrir Íslands hönd. Enginn var leikur þeirra þó eftirminnanlegri, að eindæmum, en hin frægi 14-2 leikur gegn Dönum í Köpen. Þeir félagar og fyrrverandi bekkjabræður unnu sér það til frægðar í þessum leik að skora sitt hvort markið (við mikinn fögnuð hvors annars þegar Helgi skoraði seinna markið, þá 10-2)

- SKEMMTILEG TILVILJUN

Árni varaformaður

2005-09-08T01:21:00.000-05:00

Ég var að fá þá flugu að vinur minn Árni Sigfússon sé tilvalinn varaformaður flokksins. Hann var á sínum tíma fórnarlamb mestu mistaka Davíðs, þ.e. að gera Markús Örn að borgarstjóra. Nú hefur Bjössi lýst því yfir að hann sé ekki í kjöri. Varaformaðurinn þarf ekki endilega að koma úr gráa húsinu við Austurvöll.

Árni er mjög farsæll sem bæjarstjóri Reykjaness og hefur endurreyst pólitíska stöðu sína eftir fallið forðum (sem var ekki við hann að sakast).

Hvernig á ég að koma þessu á framfæri, Jens þekkir þú ekki einhverja eðalkrata í Sjálfstæðisflokknum?

Dabbi hættur –“WIIFM” ?

2005-09-08T00:38:00.000-05:00

Nú hafa þau tíðindi verið gerð lýðnum kunn að konungstímabili Bubba kóngs sé á enda komið. Davíð Oddson hefur ríkt í íslensku lýðveldi sem kóngur væri, eins lengi og íslenska pizzu- og hjóabrettakynslóðin kann að muna og sennilega þeirra foreldrar ekki síður.

Mér finnst eins og ég sé að skrifa minningargrein um mann sem er enn sprelllifandi (og hvað eru mörg ell í því ?), þar að auki mér yngri maður.

Það sem er sárgrætilegast við þessi tíðindi er að hann ætlar að renna sér í fótspor Steingríms nokkurs, Hermannsonar kollubana, sem fátt vann sér til ágætis í sínu embætti sem forsætisráðherra nema e.t.v að reyna að breiða yfir “gulrætur og grænar baunir” (settar á rekstarreikning forstjórabílsins) í embætti sínu sem forstjóri rannsóknarstofnunar ríkisins. Að vísu kom leiðtogafundurinn í Höfða 1986 sem bjargvættur á alþjólaga frægð hans og frama og sjónvarpsstöðvar eyddu vandraðlegum fréttaleysistímum með því að sýna Steingrím stinga sér til sunds í Laugardalslauginni þar sem hann hvarf inní gufuna - týpikal Steingrímur, "opinn í báða enda". Amerískar sjónvarpsstöðvar voru einnig uppfullar af egoískum frásögnum um veru hans í amerískum háskólum. Mannekla (sem og ávallt) í Framsóknarflokknum og af því að hann var sonur pabba síns, gerði hann að formanni og forsætisráherra. Þegar hann hrökklaðist frá og hóf að skrifa meiðyrði um félaga sína í flokknum settist hann í helgan stól í Seðlabankanum.

Sem sagt, nú ætlar Davíð að leggjast svo lágt að herma þetta eftir Hermannssyni, þ.e. að fá sé kontór á 3ju hæð í Kolaportinu. Til þess að svo gæti orðið þurfti hann að hringja í vin sinn Birgi Ísleif og segja honum að hans tími væri kominn og nú gæti hann bara drukkið sitt wisky og spilað á píanóð 24/7. Davíð tók raunar við af Birgi í Austurstrætinu (fyrir Ráðhús), með raunar einni innáskiptingu frá vinstri. (Egill gerði ekkert (enda fjarstýrur af Sigurjóni heitnum Péturssyni, Alfreð vini mínu Frammara og Sigrúnu, þá viðhaldinu hans Palla Peðersen) nema að halda stólnum heitum fyrir Dabba í 4 ár). Á þessu tímabili framkvæmdi vinstra samstarfið mörg skipulagsslys, m.a. Kringlusvæðið og svo það svæði sem nefnt hefur verið hinu táknræna nafni í a.m.k, tvennu skilningi “Milli lífs og dauða”

Saga Seðlabankans er uppfull af pólitískum lúserum í bankastjórastóli - Geir, Steingrímur, Birgir Ísleifur, Tommi Árna, Jón Sig, Finnur Ingólfs ---- en Davíð, --- please, please, þú átt ekki heima í þeim hópi.

Davíð, af hverju ekki að bara að taka það rólaga og e.t.v að endurvekja Útvarð Matthildi, sem ég er viss um að nýskipaður útvarpsstjóri þekkir aðeins af afspurn og e.t.v að skrifa leikrit og bækur, m.a. um samskipti þín við bóndann á Bessastöðum. Það gæti orðið hressandi dægradvöl mörlandans að skemmta sér við slíkar hugrenningar í árlegu þjóðféjagslegu þunglyndi skammdegisins milli nýjárs og jóla.

Það merkilega við stjórnmálalegan frama Davíðs er að hann var aldrei virkur í ungliðahreifingu flokksins. (var aldrei í unglingalandsliðinu, fór bara beint í kallalandsliðið) Hann var bara upptekinn í sínum félagsmála pakka í MR og ég sá hann sjaldan í Valhöll (við Suðurgötu, þar sem nú er barnaheimili HÍ ) þar sem Heimdellingar þess tíma áttu eftirminnanlegar stundir í frábæru félagsheimili í kjallara flokkssetursins. Á þessum árum var Valhöll mitt annað heimili en ég var meira upptekin af samskiptum mínum við Bjarna Ben og Geir Hjallgrímsson (á efri hæðinni) en að taka eftir einhverjum líttþekktum menntskælingum. Að vísu, á þessu árum, þ.e á sjöunda áratugnum var þar einn MR-ingur sem uppúr stóð og skyggðu á alla aðra og þá sennilega einnig Davíð, en það var góður vinur minn Ármann heitinn Sveinsson, (faðir Birgis Ármannsonar) ókrýndur krónprins flokksins en hann dó aðeins 22ja ára gamall laganemi. Ég þekkti þó Davíð á þessum árum, en ekki sem einhvern framtíðargaur í stjórnmálum, heldur aðallega vegna þess að hann var sonur Odds, skólalæknisins okkar í Langholtsskóla.

Mín fyrstu stjórnmálalegu kynni af Davíð voru á SUS þinginu fræga á Egilsstöðum 1973 þegar Friðrik Klemenz Sophusson, vinur minn lagði vin Davíðs, Björn Bjarnason í formannskjöri sem frægt var. Þetta lagði grunn að glæstum pólitískum frama Friðriks, en hægði mjög á frama Björns Bjarnasonar, Beneldiktsonar forsætisráðherra. Þetta þótti miklum tíðindum sæta á þeim tíma.

Einn af stuðningsmönnum Björns á þinginu var Davíð Oddsson. Fyrir einhverjar sakir þá tókum við Davíð tal saman á fyrsta eða öðrum degi þingsins, sennilega undir glasi. Hann vissi að ég hafði þá sterk ítök í “utan MR” armi Heimdallar og vildi beita áhrifum sínum í garð Björns. Ég sagði honum að ég bæri mikla virðingu fyrir hans kímnigáfu og hinum stórskemmtilegu þáttum “Útvarp Matthildi” og þar endaði stuðningur minn fyrir honum og hans áróðri. Davíð svarða mér um hæl með þessum eftirminnilegum orðum “Sigurður Ágúst, þú hefur ekki minni kímnigáfu en ég, með því að styðja Friðrik” Ég gat ekki leynt því að mér þótti viðbrögðin fjandi góð.

Síðar meir urðu þessir menn, þ.e. Friðrik, Davíð og Björn ágætis pallar í ríkisstjórn en nú bara Bjössi eftir.

Nú getur fátt komið í veg fyrir að góður vinur minn Geir H. Haarde taki við á lygnum sjó, án alvarlegs mótframboðs sem formaður flokksins, enda drengur góður. Við Geir vorum áttum gott samstarf og vorum saman í stjórn Heimdallar í denn. Ég held því að þegar ég þurfti að sjá vini mína Frikka, Steina Páls og Árna Sigfússon missa af formans tækifærinu (þó svo að Þorsteinn hafi fengið að máta sólinn um sinn og ég heimsótti hann á kontórinn við Lækjartorg), þá er ég nú kominn í þá pólitísku stöðu að vinur minn og dóttursonur Steindórs bílakógns, (því með blátt blóð í æðum eins og Bubbi kóngur) gæti orðið forsætisráðherra, a.m.k. formaður flokksins og klárlega utanríkisráðherra eftir nokkra vikur. Það er skemmtileg tilviljun að ég hitti Geir síðast í Washington fyrir stuttu.

Einn af mínum uppáhalds kennurum í SPU forðum daga, notaði oft þennan frábæra frasa um lífið og tækifærin sem lífið bíður uppá (og ég notaði oft í minni kennslu) – þ.e. “My favorite station is WIIFM” - Hey, Davíð hættur, - og því ekki að hugsa WIIFM, þ.e. “Whats In It For Me”

Megi Íslenska þjóðin eiga góðar stundir um ókomin ár, án Davíðs.

Hún á afmæli í dag

2005-08-31T19:46:00.000-05:00

Hún Guðbjörg litla systir á afmæli í dag

Til hamingju Guðbjörg mín og til hamingju með þitt stóra skerf í lífinu. Að flytja til Ameríku með 4 börn og fara sjálf í skóla er nokkuð sem fáir gætu leikið eftir þér, sem sýnir best kraftinn í þér. Stóri bró er stoltur af þér.

Guð veri með ykkur.

Renae biður að heilsa, sjáumst vonandi fljótlega.

(Vissi ekki hvort ég myndi ná þér í síma og nota því þessa aðferð)

SYSTRAKÆRLEIKUR

2005-08-29T23:15:00.000-05:00

Ég er einafaldlega svo heppin að vera “systra bróðir besti” – eða öllu heldur “bróðir allra systra bestra”

Ég man þá stund eins og það hefði gerst í gær, þegar foreldrar mínir gáfu út þá yfirlýsingu að það væri komið enn og aftur nýtt “systkin í ofninn” og ég gaf þá yfirlýsingu samstundis að “ef þetta verður enn önnur stelpan, þá er ég fluttur að heiman” - svo mörg voru þau orð. Í þá daga var það ekkert flott að eiga allar þessar systur. Ég var elstur með allan þennan stelpuskara í eftirdragi og ekkert nema vesen, grátur og blautar bleyjur, eða þannig sko.

Eftir yfirlýsinguna miklu, þá kom Viðar og ég ákvað að “stick around” - en það var ekki lengi, kannski 4-5 ár, þá var ég farinn “fyrir fullt og allt” (að ég hélt). En ég kom aftur á Hjallaveginn nokkrum árum seinna, (efir fyrstu styrjöld). Þá voru flestar allar systurnar farnar og einhvernveginn var Hjallavegurinn ekki sá sami án þeirra. Ég var raunar beðin kurteislega að yfirgefa Hjallaveginn stuttu síðar, í annað sinn, sökum truflana við náttsvefn yngstu fjölskyldu meðlimana (Viðars og Guðbjargar) sem vöknuðu gjarnan (of oft) við einhver undarleg hljóð frá herberi stóra bróður. Þá flutti ég að heiman endanlega fyrir fullt og allt, öllum þar búandi til mikils léttis.

Síðan þá hef ég ekki búið undir sama þaki og systur mínar, þ.e. ekki haft sama heimilisfang – en þar með er ekki sagan öll, því ég og mín fjölskylda höfum átt þessar yndislegu stelpur heim að sækja oftar en ég kann að segja frá og höfum notið þar meiri gestrisni en orð kunna að þakka. Nú síðast þegar við Renae nutum þess að eiga ánægulegar stundir sunnan og norðan heiða hjá Guðbjörgu og Ásdísi ásamt þeirra fjölskyldum og hundum.

Skóaárin mín í Seattle hefðu aldrei orðið eins góð og þau voru án þess stuðnings sem við urðum aðnjótandi hjá Sigrúnu og Þórönnu, blessuð sé minning hennar.

Kiddý hefur ávalt tekið vel á móti mínum börnum og við höfum átt góðar stundir saman þó svo að ég og mín elskulega kona höfum ekki átt þess kost að heimsækja hana og hennar góðu fjölskyldu á Höfn, en það stendur til bóta.

Við munum ávallt muna góðu stundirnar sem við áttum saman, þrátt fyrir allt sem gekk á, í nóvember s.l. og ekki orð um það meir (að sinni).

Þetta eru allt kjarnorku kellingar, hver á sínu sviði, sumar meira ofvirkari en aðrar en samt allar ofvirkar (í góðum skilningi), og allar helvíti góðar.

Viðar minn, mikið erum við heppnir að eiga þessar systur.

Í góðra vina hópi

2005-08-27T19:01:00.000-05:00

Þessar komu í heimsókn um daginn. Við Erika tókum saman nokkur lög af einum af minnum uppáhalds CD allra tíma “Baduizm” og Queen Latifah sagði nokkra góða.

Helvíti er að heita Briem og hafa ekki til þess unnið

2005-08-25T06:23:00.000-05:00

Helvíti er að heita Briem og hafa ekki til þess unnið.....Ég heyrði þessa tilvísun oft í æsku og gerði mér ekki grein fyrir heimspekinni á bak við þessi spöku orð. Ég raunar ólst upp við spakyrði og kveðskap sem hversdagstungu því ég var þeirrar gæfu aðnjótandi að eiga afa sem var talandi skáld. Bögur og vísnaskáldskapur var mér því jafngilt móðurmjólkinni og seinna meir mjólkinni frá MS (í brúsum og flöskum, miklu seinna í hyrnum)Nú á ég heima í landinu stóra þar sem miklu stærri hlutir verða jafn dægurlegir og feigu orðin hans afa og mjólkin frá MS.Nágranni okkar hér í Virginia Beach, sennilega frægasti (af eindæmum) íbúi þessara stærstu borgar fornfrægu Virginíu ríkis, sem er nefnd eftir hinni vafasömu nafngift drottinagnar frá Bretaríki (greyið hún, anyway), en áfram með Pat Robertson (var ég ekki búinn að nefna hann - anyway, það vita allir hvern ég er að tala um)Nú vill þessi kristinna mann guru gagna svo langt að drepa mann og annan og sennilega ganga okkur í erfilegð og höggva þá í herðar niður. Hann vill byrja hér rétt fyrr sunnan, þar sem engin von er á harðvítugum hernaðarviðbrögðum, nefnilega verkalýðsharðhefndu landi þar sem bylgingin át börnin sín og reiðhjól urðu að hinum undur tæknivæddu ferðamátum landsins, sem er eitt af hinum olíuríku löndum í suðurhluta Karapíska hafsins. Hinsvegar eitt af þessum fátæku löndum þar sem auðæfum landsins er misskipt í nafni sósíalismans, eða einhvers isma sem ég hef ekki skilið. Þar ríkir löndum svonefndur "forsætisráðherra" að nafni Hugo Chavez sem er nú í einu andartak (Við Renae vorum í fríi á Aruba fyrir nokkrum árum og sáum yfir til hin illsviga lands) i orðin að hinum illvegnustu andstæðingum hins frjálsa heims. Pat Robertson, fyrrum hin eftirgefanlegi og tapsári þátttakandi í stríðinu um Hvíta Húsið og síðar stofnandi og alríkisráðunautur hinnar kristinnarmanna sjóvarpstöðvar "The 700 Club", hefur nú í nafni fyrrgreindar sjónvarpsstöðvar látið þau orð falla að réttast væri að drep Chsvez.Ég sem var rétt að fara að sofa og biðja bænirnar mínar sem ég hef gert frá æsku og eru byggðar á réttlæti og ástríki mananna í Jesús nafni amen. Þá kemur þessi "fulltúi" kristinna manna og vill drepa, drepa, drepa. Hvernig á ég að biðja í kvöld, -* kæri Jesús, elskum og drepum þá sem Pat Robertson vill elska og drepa - ég bar spyr - hann býr hér í nágrenninu, en Jesús er miklu lengra í burtu.Ja helvíti er að heita Robertson og haf ekki til þess unnið.(Við hjónin höfum í 7 ár farið í hlaðborðið hjá honum Pat í Swan Terrace, eftir kirkju á sunnudögum og notið þess að fá bestu eggjaköku í heimi hjá uppáhaldskokkinum okkar, honum Antony. Nú er því lokið og ég sendi Pat Robertson tölvupóst þess efnis í kvöld.Við étum ekki hjá morðingjum, "svo einfalt er það nú", eins og afi minn hefði sagt.)